Faka’ali’ali ngoue Vava’u 2017

Tuesday, July 18th, 2017

 Kuo lava atu foki ‘a e Maa’imoa faka’ali’ali Ngoue ‘a e Vahe Fonua Vava’u ‘i he ‘aho 5 mo e 7 ‘o Siulai 2017.

Na’e huufi ‘e he ‘ene ‘Afio Tama Tu’i, King  Tupou VI  ‘aki ‘a e ha’ele ‘a ‘ene ‘Afifio ‘o takavaha ‘i he ngaahi ‘otu  motu iiki ‘o Vava’u ‘I he ‘aho 5 pea toki  tatuku ‘aki ‘a e ‘aho 7 Siulai ‘a e Maa’imoa Faka’ali’ali ngoue ‘i he Mala’e Niponi.  

Na’e tatau mo  e ha ‘a e mafana ‘a e kakai e Lolo ‘a Halaevalu  ‘i he fu’u teuteu lahi ‘a e kakai ‘i he to’u faka’ali’ali Ngoue  2017.  ‘Ikai ke ngata ai ka ko e ‘afio tonu ‘a e Hau ki he faka’ali’ali ‘o e  si’i nima mea’a ‘o e fafine ‘o falehanga, tokanga kae ‘uma’a ‘a ngatai.

‘Oku ‘oatu ‘a e fakamalo loto hounga’ia mo’oni ‘a e Pule ‘o e Potungaue Ngoue Vava’u ki he ngaahi kupu fekau’aki kotoa pe ki ho’omou kaumai ketau kauga fetaki e fatongia Faka’ali’ali Ngoue ‘o e 2017.  ‘Oatu ‘a e fakamalo ki he kau Pule fakavahe kotoa, kau ‘Ofisa Kolo pea mo e kau ngaue kotoa ‘a e Potungaue mei Vava’u mo Tongatapu ‘i ho’omou tokoni ‘i he tafa’aki kehekehe ‘o lava ai hotau fatongia.

Fakamalo atu ki he kau Sponsors pea mo e tokotaha kotoa pe, Kuo lava hotau fatongia pea mo e fiefia lahi, pea moha hanganaki atu  ki he Maa’imoa Faka’ali’ali Ngoue ‘o e 2018.

Comments are closed.