Monday, August 14th, 2017
Na’e tatau mo e ha ‘a e ongo’i ‘e he Ha’apai kotoa ‘a enau fiefia ‘i he ‘amanaki ke tu’uta ‘a e Tu’i Ha’apai ..Tama Tu’i ko Tupou VI ke huufi ‘a e Ma’aimoa Faka’ali’ali Ngoue 2017.
Na’e huufi ai pe ‘e he tama Tu’i…. Tupou VI ‘a e Maa’imoa faka’ali’ali Ngoue ‘a e Vahe Fonua Ha’apai ‘i he ‘aho 18 Siulai 2017 ‘i he Mala’e LEA ‘AE TOHI. Na’e ‘afio tonu ai ‘a e Tama Tu’i mo Kuini Nanasipau’u, Fuifui Lupe kae’uma’a ‘a e Kovana Ha’apai pea mo e kau fakaafe fakalangilangi ‘o e ‘aho.
Ko e katoanga mafana mo’oni he na’e mahino ‘a e langa vave ‘a e Vahe Fonua mei he tu’unga na’e ‘i ai mei he matangi na’a ne uesia ‘a e motu fakamuimui. Na’e to folofola ‘a e Tu’i ‘o fakamamafa ‘oku ‘ikai ke ‘i ai ha me’atokoni tali Honge ‘a Ha’apai ka ko ‘enau me’akai tali Honge pe ko Ngatai. Ko Ngatai pe ‘a e tali Honge pea mo e ma’u’unga pa’anga ‘o Ha’apai pea toki hoko mai ki ai ‘a e Hiapo ‘o Foa ka e ‘uma’a ‘a e lalanga ‘a e kakai fefine.
Na’a ne fakamalo’ia’i foki mo e Republic ‘o Siaina ‘i he fu’u tokoni ‘aufuato kuo nau fai ki he tokoni hono fakapa’anga kae to e si’i langa hake ai ‘a e Palasi fakatu’i ‘i Ha’apai. Ko e fu’u tokoni lahi eni pea kuopau ke fai hono fakamalo’ia’i.
Na’e aofangatuku ‘a ‘Ene tofolofola ‘aki ‘a ‘Ene talamonu ki he katoanga, mo FAKAAVA ai pe ‘e he Tama Tu’i Tupou VI ‘a e Katoanga MAA’IMOA FAKA’ALI’ALI NGOUE, TOUTAI MOE NGAAHI NGAUE ‘a HA’APAI ki he 2017.