Monday, July 24th, 2017
Na’e hoko atu ai pe ‘a e Maa’imoa Faka’ali’ali Ngoue ki he Vai ko Niutoua, Niuatoputapu ‘i he ‘aho 12 ‘o Siulai, 2017 ki he Mala’e Matangi- malie. Na’e tatau mo e ha ‘a e paatapata ‘a e kainga ‘o Nopele Ma’atu ‘i he toutou ha’elea ‘e he tama Tu’i, Tupou VI ‘a e motu.
Na’e ‘afio tonu ai ‘a ‘Ene ‘Afifio King Tupou VI pea mo Kuini Nanasipau’u ‘i he Maa’imoa Faka’ali’ali Ngoue ‘a e Vahe Fonua Niuatoputapu. Na’e katoa ‘a e kainga ki Mala’e Matangi-malie fakataha mo Nopele ‘o Niuatoputau, Nopele Tangipa, fakafofonga ‘o e kakai ki falealea Sosefo Fe’ao Vakata fakataha mo e kaufolau kotoa mei Tonga’eiki na’a nau muimui folau mai ‘i he Ha’ele ke fai hono paotoloaki ‘a e Maa’imoa Fisifisimu’a ‘a ‘Ene ‘Afio ko e Faka’ali’ali Ngoue.
Na’e fakamamafa e folofola ‘a e Tama Tu’i ko Tupou IV ki he kaveinga ‘o e Faka’ali’ali Ngoue ‘o e 2017… koe ’API-FA’A toe-tu’u-ai-e TEVE ko e popoaki mei ono-‘aho ko e kau-FA’A ‘o e ‘Aneafi na’e tō e Ngoue ‘o e ’aho pea tō mo e ‘ufi-Vao ko e Teve, ko e tali-faki ki ha Honge ‘i he kaha’u .koe ’uhi, ko ha La’ala’aa pe ko ha Afā ..…
Na’a ne folofola ko e me’a makehe mei Niuatoputapu..ko e ‘Ufilei-Lotuma ko e ‘ufi-vao tali-honge foki ia ‘o e motu. Pea ‘oku fai ai e mafana…ko e ’uhi ko e lesoni ki he toenga ‘oe Fonua mei motu ni ’ae mahu’inga ke ‘i ai ha ngoue tali-honge ‘i he vao.
Na’e folofola ki he kau Ngoue, kau Toutai moe kau Lalanga ‘o Niuatoputapu… ke nau koloa’ia pea ke nau lau-tapuaki he fu’u koloa ‘oku nau ‘inasi ai….pea ke tufotufa atu ke lave ai e toenga ‘o e Fonua.
Na’e aofangatuku a ‘Ene tofolofola ‘aki ‘a ‘Ene talamonu ki he katoanga, mo e fakatauange ke hoko ‘ae Faka’ali’ali Ngoue ‘o e 2017 ko ha hifonga Tapuaki .ki he ‘osi-kia-velenga, tō-kakava mo e mamahi kotoa pe ‘o e fa’ahi-ta’u.
Na’e FAKAAVA ai pe ‘e he Tama Tu’i Tupou VI ‘a e Katoanga MAA’IMOA FAKA’ALI’ALI NGOUE, TOUTAI MOE NGAAHI NGAUE ‘a Niuatoputapu ki he 2017.