Sunday, August 6th, 2017
Na’e siu ai pe Lupe ki he motu mama’o ko Niuafo’ou ke ‘afio tonu ki he Maa’imoa faka’ali’ali Ngoue ‘a e kainga ‘o Fotofili mo Fusitu’a.
Na’e fakahoko ‘a e Maa’imoa Faka’ali’ali Ngoue ‘a e Vahe Fonua ‘i he ‘aho 13 ‘o Siulai 2017 ‘i he Mala’e ko Latufuipeka. Ko e fiefia ka koha fiefia ‘a e si’i kainga Niuafo’ou ‘i he ‘enau mata tonu ki honau hau Tu’i ko Tupou VI kae ‘uma’a ‘a e ta’ahine Kuini ko Nanasipau’u.
Na’e fakamamafa’i ai pe ‘e he tama Tu’i ‘i he ‘ene to folofola ‘a e mahu’inga ki he fonua kenau tokateu ki ha fakatamaki fakaenatula ke fenapasi mo e kaveinga ‘o e ‘aho ‘API FA’A TOE TU’U AI ‘A E TEVE” ko e na’ina’i ia ‘a e Tama Tu’i ki he kainga ke nau to ‘a e Mei pea mo e Kape Vao he ko e ongo meakai tali honge eni ‘a e motu. Ko e ‘uhi ko ha fakatamaki ‘e to ki he motu kuo nau mateuteu pe.
Na’e aofangatuku a ‘Ene tofolofola ‘aki ‘a ‘Ene talamonu ki he katoanga, mo FAKAAVA ai pe ‘a e Katoanga MAA’IMOA FAKA’ALI’ALI NGOUE, TOUTAI MOE NGAAHI NGAUE ‘a Niuafo’ou ki he 2017.