Maa’imoa Faka’ali’ali Ngoue Vahe Fonua Tongatapu 2017

Thursday, August 17th, 2017

Na’e toki fakama’opo’opo ‘e Tongatapu ‘a e Maa’imoa faka’ali’ali Ngoue ki he 2017 ‘i he ‘aho 29 ‘o Siulai 2017. 

Na’e tafitonga  pea langi malie ‘a e me’a kotoa ‘i he Mala’e Manamo’ui ko e talitali ‘a e tu’uta ‘a e ha’ele ‘a ‘ene ‘Afifio Tu’i ko Tupou VI mo Kuini Nanasipau’u.  Na’e me’a ai foki mo e  Pilinisi Kalauni,  Pilinisi Tupouto’a pea mo Pilinisesi Sinaitakala Tuku’aho kae ‘uma’a ‘a Pilinisi Taufa’ahau Manumataongo Tuku’aho  mo Pilinisesi Mata’aho Tuku’aho  ke huufi ‘a e Maa’imoa Faka’ali’ali Ngoue ‘a e Vahe Fonua Tongatapu. 

Na’e ta ki ‘Uta pea Ta ki Fanga pea  holoutounga ‘a e kau fa’a ‘o tokanga, kau nima mea’a ‘o falehanga ka e makehe ange ‘a  ngatai,  ke nau faka’ali’ali ki he Hau ‘a e fua taukakapa honau nima.

‘I he to folofola ‘a Tupou VI,  neongo kuo a’u ki he $100,000.00  ki he ‘eka ‘a e ngoue kava ta’u 3 ‘a Vava’u mo ‘Eua hono fakatau tu’u ka  ko e kau ngoue Hina ‘a Tongatapu ni ‘oku a’u ki he $1 miliona tupu ‘a e Pa’anga ‘oku nau ma’u ‘i he ‘eka ‘e 300 tupu ‘oku nau to. Na’e fakamamafa ‘a e tama Tu’i, ko e kau fa’a ‘o Tongatapu ni, ‘oku nau tokanga pe ki he tupu faka pa’anga kae ‘ikai fai ha tokanga ki he maumau ‘a e fonua.  Hange ko hono ‘uli’i ‘a e vai ‘i lalo fonua pea mo e ngaahi mata fanga.   Ko e faito’o tamate vao ‘oku ngaue’aki ‘i he ta’u ‘e he kau fa’a  ‘oku a’u ki he lita ‘e 30000 tupu ‘i ta’u.  Pea ‘i he  ‘aluange ke to e lahi ange ‘a e afa mo e feliuliuaki ‘a e ‘ea,  mole fonua he faka’au ke ma’olunga ange ‘a e tahi, mo to e  mafana ange ‘a e ‘Ea tene uesia lahi ‘a e ma’u me’atokoni.

Na’e fakamamafa ai pe ‘a e To Folofola ‘a ‘Ene ‘Afio ko hotau tala mei ono’aho ki he  tali honge ma’a Tongatapu.  Ko e fai fakapotopoto taha ‘a ‘etau ngaue’aki hotau kelekele, ngoue, fangamanu, hakau mo honau koloa kae ‘uma’a ‘a e ngaahi me’a mo’ui kotoa ‘i he ‘Ea.  Na’e folofola  foki ki he founga fo’ou ‘o e ngoue mei Siaina mo Tailand pea mo e ngaahi fonua muli.   Ko hono fakataha’i ‘a e ngoue Vesitapolo, ‘akau fua mo e fanga monumanu, mo e ano ika ‘i he ‘api ‘uta.  Pea ma’u fakataha ai pe ‘a e me’atokoni mo hono kiki mei ‘uta.

Na’e fakamalo’ia’i ai pe ‘e he Tama Tu’i ki he ngaue kotoa kuo fai ‘e he ‘Eiki Minisita Ngoue Hon. Semisi Tauelangi Fakahau mo ‘ene kau ngaue kotoa ki he poupou ki he kau ngoue, toutai pea ke lava ke fai ‘a e fakahoko ‘a e Maa’imoa faka’ali’ali Ngoue ‘a e ngaahi Vahe Fonua takitaha. 

Na’e faka’osi ‘ene folofola ‘aki ha talamonu ki he Vahe Tongatapu ki he Katoanga Faka’ali’ali Ngoue  mo ‘ene faka’amu ke tau matu’aki tokanga telia ‘a e fonua mo e malu ‘o ‘etau ma’u me’atokoni pea ke fakaava ‘a e Maa’imoa Faka’ali’ali Ngoue ‘a Tongtapu ki he 2017.

UNADJUSTEDNONRAW_thumb_67c UNADJUSTEDNONRAW_thumb_66f UNADJUSTEDNONRAW_thumb_64b UNADJUSTEDNONRAW_thumb_346 UNADJUSTEDNONRAW_thumb_335 UNADJUSTEDNONRAW_thumb_310 UNADJUSTEDNONRAW_thumb_305 UNADJUSTEDNONRAW_thumb_297 UNADJUSTEDNONRAW_thumb_294 UNADJUSTEDNONRAW_thumb_266 UNADJUSTEDNONRAW_thumb_228 UNADJUSTEDNONRAW_thumb_200 UNADJUSTEDNONRAW_thumb_199 UNADJUSTEDNONRAW_thumb_168UNADJUSTEDNONRAW_thumb_1caUNADJUSTEDNONRAW_thumb_2ceUNADJUSTEDNONRAW_thumb_3a5UNADJUSTEDNONRAW_thumb_3a7UNADJUSTEDNONRAW_thumb_3a0UNADJUSTEDNONRAW_thumb_2d2UNADJUSTEDNONRAW_thumb_2deUNADJUSTEDNONRAW_thumb_394UNADJUSTEDNONRAW_thumb_3b9UNADJUSTEDNONRAW_thumb_1b6

 

 

 

 

 


Comments are closed.

HEADLINES

Change the future of migration, Invest in food security and rural development
UNADJUSTEDNONRAW_thumb_d0f

The importance of investing in food security and rural development as tools […]

FULL STORY
MAFF Retirement Staff
UNADJUSTEDNONRAW_thumb_ce3

“Congratulations on your retirement”. It has been a pleasure working with you […]

FULL STORY
JOB VACANCY
001
FULL STORY
JOB VACANCY
Advert 2
FULL STORY

Photo Gallery

There is no gallery selected or the gallery was deleted.